In ein bomvol Moezepelies waerde zaoterdig 3 oktober Michelle Beeren oetgerope es 42ste Wienkeuningin.
Michelle is 22 jaor, ongersjteuner in ’t sjpeciaal ongerwies en docent in opleiding veur zorg en welzijn. Michelle haet eine ‘échte vrundj’ en det is Koen van Cruchten oet ’t Doaleriek.
Mit häör motto ‘Euveral en altied same’ zal Michelle door de vastelaovend gaon.
As d’r emes is mit rood/gael/greun blood dan is det Michelle. Ziej haet de vastelaovend mit de paplaepel ingegaeve gekrege. Mam Carola waas Wienkeuningin in 2010 en pap Leon prins in 2017 same mit breurke Yor-Ell es jeugprins.
Michelle haet in diverse rolle biej De Veldjmuus gehad, o.a. dansmarietje, trainster van de garde en ouch nog es secondante van de prins
Michelle koos es secondantes veur Elisa van de Beek 39 jaor hoesvrouw en partner van raodslid en Aad-jeugprins van de Veldjmuus Willy van de Beek en Evelien Evers 31 jaor, intern begeleidster basissjool en samenwonend mit vorst Dennis van den Hurck van de Nachtegale oet Aseraoj, ’t kwartet waerd volgemaak mit oud-dansmarietje Jill Snijders 24 die kapster is en in Remunj woont.
Aad-wethajer Jos van Rey zorgde traditioneel same wethajer Aiji Loganathan veur de installatie van Michelle.
