Wienkeuningin

Druim waert werkelikheid
Dit jaor is miene langgekoesterde druim oetgekómme. Wienkeunigin moge waere van de sjoonste vastelaovesvereniging in Remunj.
Toen Bianca en Anita mich kwame vraoge hoofde ich gein 2x nao te dingke en zei ich netuurlik JAO!
Ich höb ein heel aantal keuniginne veurbiej zeen kómme en kinne observere. Ich had mich der väöl biej veurgesjteld, maar zo Sjon wie de aafgeloupe maonje al ware, had ich nooit dörve druime. Dit waas pas ut begin, ich weit zeker det de sjoonste memente nog mótte kómme.
Same mit mien secondantes Judith en Chantal gaon veer der de kómmende 2 maondj taege aan. Ich bin ouch heel bliej det prins Roland en jeugprins Yves noew eindelik naeve mich sjtaon en det ich de sjoon memente moog deile. Euver deile gespraoke, wie sjoon is het neet det in mien vriendinnegroep neet 1 maar 2 keuninginne zitte. Ein van mien beste vriendinnen Eefje, is Donderkwien gewaore. Det had ich nooit dörve druime, veer zeen ós avontuur al begónne in de Eifel woh veer de foto’s gemaak hubbe. Det waas zo ontzettend speciaal, det kin ich neet ins in wäörd omsjrieve.
Veer boewe verder mit ós maote want:
UT ZIT IN ÓS BLOOD!