Kimberly de Winter 37ste Wienkeuningin VV de Veldjmuus

In ein boemvol Moezepelies waerde zaoterdaag 5 oktober Kimberly de Winter oetgerope as 37ste Wienkeuningin van De Veldjmuus. De 30 jäörige Kimberly is in häör dageliks laeve doktersassistente en is gek mit kienjer. Naeve zien inzet veur de dansmarietjes van De Veldjmuus as trainster is ze ouch de sókkertante van Lotte en Dex. Kimberly waerde geïnstalleerd door Jos van Rey dae det ouch noew weer mit verve deej. Nancy Giebels wienkeuningin 2018 droog zien functie symbolisch euver aan Kimberly. Kimberly koos veur twee secondantes, de 34 jäörige sjoonzus Judith de Winter -Smeets in ut dageliks laeve sociaal pedagoog en mooder van Lotte en Dex en as tweede secondante, de 25 jäörige Chantal Dohmen det in ut dageliks laeve pedagogisch medewerkster is biej de Beesteboel in Azeroy en as vrundj Sefke Cox haet woh ut de leefde mit deilt. De oetroping waerde opgeloesterd door de Roerdasse woh de broor van Kimberly Danny actief is.